Oianguk biltzen duen natur ondare anitza guztiok goza dezagun, jardunaldi sorta!

Nola gizarteratu naturak eskaintzen dituen hamaika opari? milaka ñabardurez ehundutako mundu harrigarria? Eskuragarri nahi duenak, jar beza beretik pixkatxo bat, gonbidatuta zaudete!

Hitzaldia: Euskal Herriko baso naturalak, biziaren iturri. Maiatzak 22, 19.00etan Barrena Jauregian.

Basoek egundoko garrantzia dute naturan, eta baita gizakiontzat ere.

Gizakiak aspaldi hasi ziren basoak ustiatzen eta ia bazter guztietan antzematen da erabilera honen eragina. Nolanahi ere, Euskal Herriko basoetan oraindik aberastasun handia dago, batez ere bertako espezieez osatutako baso helduetan. Zuhaitz zaharrak eta hildakoak ere, ezinbestekoak dira makina bat espezierentzat, eta hortaz, aniztasun biologikoaren kontserbazioan garrantzi handia dute.

Habi-kutxen jarraipena eta hegaztiei eraztuna ipintzeko saioa. Maiatzak 31, 9.00etatik 13.00etara Oiangun.

Oiangun aurretik ipinitako habi-kutxetan txoriek habiak egin dituzten begiratuko dugu eta txorikumerik egon ezkero tokian bertan horiek ikusteko aukera izango dugu, bide batez txorikumeak eraztunduz. Habi-kutxak aztertzeaz gain, goiz berean txorien eraztuntze zientifikoa aurrera eramango da. Horretarako txoriak harrapatzeko sarea ipiniko da eta bertara eroritako txoriei eraztuna ipiniko zaie. Eraztuntze lan hauek behar beharrezkoak dira hegaztien migrazioen inguruko ikerketak egiteko garaian.

Prozesu honetan, eraztundutako txoriak gertutik ikusi eta ezagutzeko aukera izango dute bertara gerturatzen diren guztiek.

Astronomia saioa. Ekainak 7, 21.00etatik 24.00etara Oiangun.

Saio hau astronomian interesa duen pertsona orori zuzenduta dago, honen helburua zientzia hau jendearengana gerturatzea baita. Saio honetan zehar zeruko gorputz ugari ikusi ahal izango ditugu: Ilargia, Jupiter, Marte, Saturno, izar bikoitzak, kumuluak, nebulosak eta galaxiaren bat argi kontaminazioak uzten badigu. Horrez gain, konstelazioak identifikatzen eta planetak lokalizatzen ikasiko dugu ere. Guzti hau ikusi ahal izateko beharrezko instrumentu optikoak Aranzadiko astronomoek eramango dituzte eta zerura begira gauden bitartean zeruko gorputz horien mekanika ulertzen lagunduko digute oinarrizko azalpenak emanez. ZERUKO MISTERIOAK EZAGUTZEKO AUKERA PASATZEN UTZI BEHAR AHAL DUZU?

natur taldeak baso kudeaketarekin desadostasuna

berria egunkarian atera zen  eta landarlan elkarteak bat egin zuen deialdiarekin

2014-04-06

Irudia. Donostia

BESTE BASO POLITIKA BATEN ESKE

ANDONI CANELLADA / ARGAZKI PRESS

          Gipuzkoako hainbat natur talde eta elkarte ekologista kexu azaldu dira aldundiak agintaldi honetan egindako baso politikarekin. Bildu diputaziora iristeak ez du «aldaketarik» ekarri, haien ustetan. Aldaketak izan dira mendietako zuzendaritzan: Julian Unanue kargutik kendu dute, eta Roke Akizuk hartu du haren lekukoa. Unanue kentzea txalotu egin dute ekologistek. Salatu dute orain arte ez dituztela aintzat hartu baso politikak zehazteko. Norabidea aldatzeko eskatu dute.

TXINGUDIKO PADURAK BABESTEKO LEGEAK, ORAIN!!!

EHAAN argitaratu berri den ekainaren 4ko 356/2013 Dekretuan, “Txingudi-Bidasoa” Zaintza Bereziko Gunea (ZBG) izendatzen da  eta hura eta "Txingudi” Hegaztientzako Babes Bereziko Gunea (HBBG) zaintzeko neurriak onesten dira, biak ere Red Natura 2000ren markoan.

Txingudiko hezeguneak nazioarteko araudi ugariren bidez babestuta daude, horietako batzuk nazioartekoak, bai Gipuzkoan, bai Lapurdin ere, habitaten eta fauna eta flora basatietako espezie basatien zaintza-egoera bermatzeko:

1.    Hegaztientzako Babes Bereziko Gunea (HBBG)

2.    Zaintza Bereziko Gunea (ZBG)

3.    RAMSAR Hitzarmenean Nazioarteko Garrantzia duen Hezegunea.

4.    Txingudiko Baliabideen Antolaketarako eta Babespenerako Plan Berezia.

5.    Arrêté de Biotope.

6.    Zone Naturelle d´Intérêt Écologique, Faunistique et Floristique (ZNIEFF).

7.    Zone Importante pour la Conservation des Oiseaux (ZICO).

Bestalde, 2013ko uztailaren 18an, jakin dugu Irungo Udalak kirolgune batzuk konpontzeko lanak egin behar dituela eta, haien artean, "Plaiaundiko atletismoko pista" (Txingudi) aipatzen da.

Ez dugu ulertzen Irungo Udalaren jarrera; izan ere, atletismoko pista eta errugbiko zelaia baimentzen eta mantentzen jarraitzen du, nahiz eta aspaldi egon behar zuten beste leku egokiago batera lekualdatuak. Jarrera horrekin, Plaiaundiren birsorkuntza integrala oztopatzen ari da, eta atzeratu egiten ditu hegazti migratzaileentzat ingurunearen kalitatea nabarmen hobetuko luketen planak. Horrela, Plaiaundiko Parke Ekologikoa sortu eta kalifikatu zeneko funtzioa baliogabetzen ari da.

Bestalde, onartezina da gaur egun oraindik Bidasoko Irletan (Txingudiko Baliabideen Antolaketarako eta Babespenerako Plan Bereziaren barruan Erabateko Babespena duen cunea) kontrolik gabeko eta legez kanpoko nekazaritza-lanak inpunitatez burutzen  uztea.

Bestaldetik, ulertezina da aipatu Plan Bereziak Oxinbiribil, Alunda eta Lastaolako ibiaertzetarako onartutako Ingurumen Lehengoratze lanak gaur egun oraindik burutu gabe jarraitzea.

Txingudiko guneak berebiziko garrantzia du, Europako milaka hegazti migratzaileek leku hori baitute nahitaezko pasabide, atsedenleku eta babesleku.

Horregatik guztiagatik, honako hau ESKATZEN DIOGU Irungo Udalari:

1.    Bete dezala indarrean dagoen legeria eta beste legezko leku batera alda ditzala Plaiaundiko atletismoko kirol-ekipamendua errugbiko zelaia, atletismoa eta errugbia baldintza egokietan egitea bermatuko duten instalazio duinak eraikiz, Irungo eta Hendaiako natur balioen zaintzan eragin gabe eta premiagabeko gatazkak sortu gabe.

2.    Udal honek ganoraz har ditzala Txingudiko paduren kudeaketa eta haren babes-markoa eta Bidasoako irlen eremua giza-erabilera eta presio orotatik aska dezala, bertako habitatak behar bezala egokituz, zaintzeko araudiak behartzen duen moduan. Era berean, Eusko Jaurlaritzarekin batera, gauza dístala Oxinbiribil, Alunda eta Lastaolako ibaiertzen ingurumen lehengoratzea.

3    Bazter dezala hezeguneetara iristeko azpiegitura berrien eraikuntza, horrek suposatuko lukeen giza presioaren emendioak Txingudiko nidifikazio eremuetan eta fauna eta floraren babes funtzioan izan dezakeen kalteak direla eta.

IBAIALDE

Biodibertsitate jardunaldiei amaiera emateko Ibaialde ekintzan parte hartu genuen. Honetarako  Beasaingo Igartza jauregi ingurua aukeratu genuen.

Egitasmoa aurrera eramateko hamar lagun elkartu ginen eta denon artean, uraren kalitatea, paisaia, biodibertsitatea eta ibaiaren hainbat faktore aztertu genituen.

 burdinola, errota eta jauregia

 sahats batzuk ikus daitezke, ibarbasorik ez

 haltza

 akazia ( inbaditzailea)

Emaitzak honako hauek izan ziren (1-5):

• paisaia 4
• uraren analitika 2
• landare aniztasuna2. ibarbasoa oso urria da eta landare inbaditzaileak daude( akazia esate baterako)
• animalien aniztasuna 2
• ondarea 5.  Jauregia, errota eta burdinola
• garbiketa 4

Datu guztiak kontutan izanik, Oria ibaiaren egoera ekologikoa, puntu honetan,ONARGARRIA dela ondorioztatu daiteke.

Goierriko BioDibertsitatea

Maiatzak 22, Igartza Jauregia.

Mikel Olanoren hitzaldia entzuteko dozena bat pertsona elkartu ginen.

tokia zoragarria eta hitzaldia are zoragarriagoa . Ia hiru ordu iraun zituen baina denbora gehiago ere egongo ginateke Mikel entzuten. Hau bertan elkartu ginen guztion iritzia da, ez nirea bakarrik.

Lau habitat: Landa eremua, Goilarre eta Mendiak, Ibaiak eta Basoak. 

Bakoitzaren  biodibertsitatea, egoera, arazoak eta konponbideak.

Makina altxor ditugu gurean! Ugatza, Okil Beltza Arranoa, Hontza, Lepahoriak, Bisoi europearra eta abar luzea. Landareak eta Onttoak ere aipatu zituen.

Ideia Nagusia: Natura Pakean utzi eta bakarrik lortuko du Oreka eta berreskuratuko da.

Bioaniztasun jardunak Goierrin? Zergatik ez!

Gipuzkoa mailan natur eremu gehien eta ondo aberatsak dituen eskualdea da gure Goierri, Aralar Aizkorri, Oria  Garaia, Agauntza eta Amundarain errekekin, ibai eta goi mendialdeko naturaren babesgune aberats eta erakusleiho dira. Ez dira ordea bakarrak! eskala txikiagoan  ere, hauen pare izan daitezkeen  haunbat gune baditugu, eta izaki babestuen ordezkaritza zabal batekin gainera. Hauek gertuago izan asmotan, biodibertsitate astea antolatu da nazioarteko eguna dela probestuz...3 jardunaldi hauek irekiak eta doakoak dira, ez duzue damurik izango, animatzen al zarete?

goierritarreko artikuluak

        "Goierritarra" aldizkarian hamaika artikulu idatzi ditugu. Gai ezberdinak jorratu dira beraietan: bioaniztasuna, astronomia, Ibaialde programan parte hartu dugun irteeren emaitzak eta abar luzea. Goierriko eta kanpoko gaiei buruz idatzi dugu. ( laister blogean eskura izango dituzue, denbora pixkak beharko dugu denak igotzeko)