Enirio Igaratzaren arteko pista GELDITU!!!!

Enirio-Aralar Mankomunitateak  Enirio eta Igaratza arteko bidea zabaltzeko lanak.aste honetan hasi ditu.

 Pista horrek, 2,7 kilometroko luzera izango du, eta lehen oinezkoen bide zena zabalduz eraikiko dute. Mankomunitateak azaldu duenez, “abeltzainei beraien lana errazteko” berregokituko dute bide hori. Araudiak horrelakorik baimentzen ez duen arren.

Santamariaren lehendakaritzapeko Enirio-Aralar mankomunitatearen legealdi hau zoritxarrekoa ari da izaten. Oraingoan bigarren pista eraikitzera doaz, Eniriotik Igaratzara, dagoeneko pista duten Doniturrietako txaboletara, aintzinako artzain bidea eta espezie babestuak suntsituz, (haginak, gorostiak) eta ikerkuntza arkeologikorik nahiko egin gabe. 

Baina hori gutxi ez, eta dagoeneko lehenengo pista, Intzesao Saltarri, epaitegian izanda ere, berriro ere, Aralarko Parke Naturalaren legedia urratuko dute, pistaren ibilbidearen %80ª mendi babeslean baitdihoa eta bertan pista egitea debekatuta dago Gainera legediak agintzen duen Aralarko azpiegituren plangintza egin gabe. 

Ulertezina zaigu nolatan Aldundiko Ingurumen Departamenduak ingurumen adierazpena pistaren aldekoa eman duen, esanez, hurrengo proiektuetarako azpiegituren plana aurretik egin beharko dela eta Saltarri zein orain eraikitzera doazen pistetarako ez? 

Nola liteke hori? 

Harrigarria ere bada, Eusko Jaurlaritzako Ingurumen Sailak berak pista honen kontrako iritzia eman duela, boletinean azaldu gabe zeintzuk diren bere arrazoiak. 

Horrez gain, ez dituzte kontuan izan hainbat elkarte ekologistek (Itsas Enara, Arkamurka, Landarlan, Eguzki), 

kiro elkarte batzuek (Fortuna Kirol Elkartea, Club Vasco de Camping, Aizkorri Mendizalea Elkartea), zenbait udalek (Itsasondo, Zaldibia), 

Aranzadi zientzia elkarteak, 

 Gipuzkoako Mendi Federazioak 

eta Ugatza babesteko fundazioak psitaren aurka egindako helegiteak. 

Guzti hori bakarrik ez, eta lehengo astean bertan Eguzki eta Landarlanek Aldundiko Ekonomia Sustapena, Landa Ingurunea eta Lurralde Orekako Ainhoa Aizpuru diputatuaren aurrean helegitea sartu dugu pista horren aurka eta erantzun gabe, lanak hastera doaz, zeren beldur dira ba mankomunitatean? Zerbait oker egiten ari dira eta lehenbailehen inpaktu itzulezina eta konponezina duen pista egin nahi dute? 

Guk ozen eta argi diogu, guzti horregatik, pista hori gelditu beharra dagoela lehenbailehen eta gatazka hau bideratu, Aralar bere osotasunean hartuz, bere balioak, izaki bizidunak, artzainak, mendizaleak, zientzialariak, konserbazionistak, ganaduzaleak… 

Gogoratu beharrean gaude ere, mankomunitateko azken batzarrean, pista horren alde botoa eman zuten udalak: Abaltzisketa, Altzaga, Amezketa, Arama, Beasain, Lazkao eta Ordizia, zazpi bakarrik, mankomunitatearen erdia baino gutxiago, legezkoa izango da baina legitimoa ez, botoen erdia baino gutxiagorekin pista hori onartu da. .Aurkakoko botoa eman zuten lau udalak: Balaiarrain, Ikaztegieta, Itsasondo eta Zaldibia.

 Aipatutako agintariei euren karguek interes publikoaren alde lana egitea exijitzen diela,  gogorarazi nahi diegu, ez ganaduzule pribatuen alde bakarrik. 

http://goierri.hitza.eus/2018/09/07/hasi-dituzte-enirio-eta-igaratza-arteko-pista-egiteko-lanak/